BBK eta AZKUE Fundazioak banatu dituzte gaur, urtarrilak 14 larunbata, "BBKklip" lehiaketaren lehenengo edizioaren sariak. Lehiaketa honek euskararekin, Euskadirekin eta egungo gure gizartearekin lotura duten bideo laburrak saritzen ditu.

Azkue Fundazioak, Baleuko enpresarekin batera, Barritsu kide berria aurkeztu du. Fundazioko kide berri hau Euskararen Interpretazio Zentroan laguntzaile izango da, euskarari buruz ikastera datozen bisitariei harrera egiteko.

Gaur, Abenduak 21, banatu ditugu Azkue Fundazioak eta Bizkaia Irratiak elkarrekin antolatu duten “Txioka Sarean” gabon-agurren lehiaketako sariak. Euskaltzaindiaren egoitzan, eta Sanomas azoka giroan, egin da sari-banaketa ekitaldia.